logo.png

શ્રી હાટકેશ હોલ ખાતે નવીનીકરણ અને લિફ્ટની સુવિધા અંગે નમ્ર અપીલ

માર્ચ 15, 2020

સુજ્ઞ જ્ઞાતિજનો, 

 

આપ સૌને વિદિત છે કે ગત સામાન્ય સભામાં જાહેરાત કર્યા મુજબ શ્રી હાટકેશ હોલની ઉપર બીજા માળે આવેલ રૂમોને વધુ સુવિધાપ્રદ બનાવવા અને કોઈ નાનો સ્વંતંત્ર પ્રસંગ બીજા માળે થઇ શકે તેવી સુવિધા પ્રદાન કરવાનો પ્રકલ્પ શરુ કરેલ છે. આપ સર્વેને જણાવતાં અત્યંત આનંદ થાય છે કે બીજા માળે બની રહેલ ચાર રૂમ માટે અનુદાન મળી ગયેલ છે. આથી, આ રૂમ માટે વ્યક્તિગત નામ આપીને અનુદાન સ્વીકારવાનું શક્ય બની શકશે નહીં પરંતુ, ત્યાં આકાર લઇ રહેલ અન્ય સુવિધાઓમાં આપના વડીલોની પુણ્યસ્મૃતિમાં આપ અનુદાન આપી શકો છો. આ અંગે વિવિધ અનુદાનના પ્રકાર રાખવામાં આવેલ છે જેની માહિતી જ્ઞાતિના કાર્યાલય ખાતેથી મળી શકશે.  

 

વિશેષમાં અમોને જણાવતાં અત્યંત આનંદની લાગણી થાય છે કે સ્વતંત્ર ટેકનીકલ સર્વે કરાવ્યા બાદ આપણી વાડીમાં લિફ્ટની સગવડ થઇ શકે તેમ હોય, આપણી વાડીમાં લિફ્ટ નખાવવાનું નક્કી કરેલ છે.  અત્યાર સુધી વડીલોને પહેલે અને બીજે માળે આવેલ વાડીમાં પ્રસંગોમાં ઉપસ્થિતિ આપવામાં તકલીફ પડતી હતી તે આપણને સૌને ખબર છે. આપણે જયારે બીજા માળે નવીનીકરણ કરી રહ્યા છીએ ત્યારે જો આ લિફ્ટનો સમાવેશ ન થાય તો નવીનીકરણ કર્યા બાદ પણ વાડીના આ ભાગનો ઉપયોગ મર્યાદિત થઇ જાય તેથી આ લિફ્ટની સવલત અનિવાર્ય છે. લિફ્ટ નખાવવામાં અંદાજીત રૂપિયા 10 લાખનો ખર્ચ આવે તેમ છે. આ અંગે આપના ઉદાર અનુદાન માટે જ્ઞાતિની કાર્યવાહક સમિતિ આપની પાસે ટહેલ નાખે છે. આપના સાનુકુળ પ્રતિભાવથી જામનગરની નાગરી નાતને એક સુવિધાયુક્ત વાડીની સગવડ થશે અને વડીલો પણ હોંશભેર તમામ કાર્યક્રમોમાં ભાગ લઇ શકશે. આપના વડીલોની પુણ્ય સ્મૃતિ કાયમી સ્વરૂપ આપવાનો આ અવસર ચૂકશો નહીં તેવી નમ્ર વિનંતી અને અપીલ છે. 

જય હાટકેશ

ભવદીય

હેમાક્ષી બુચ  

વાડી ચેરપર્સન

ભાવિક ધોળકિયા

મંત્રી

ભોલાનાથ રીંડાણી

ઉપપ્રમુખ

અમિત ઓઝા

પ્રમુખ

અશોક બુચ

પ્રોજેક્ટ ચેરમેન

સેકન્ડ ફ્લોર નો સૂચિત રિનોવેશન પ્લાન ( લિફ્ટ સાથે)

Donation-Appeal-Final.jpg